Plantun de Prouvènço

Pèr coumpara dos planto d'encò nostre

Carex curvula subsp. rosae & Veronica aphylla

Queirello(-enarcado)

Carex curvula subsp. rosae

Cyperaceae

Àutri noum : Queirello(-dóu-mount-Rose), Moutouso, Sagneto.

Nom en français : Laîche du mont Rose.

Descripcioun :
La queirello-enarcado trachis en mato dins li pelouso di cresten venta d'auto mountagno. Se recounèis subretout à si fueio primo (1 mm), plegado, enarcado e dessecado au bout. L'enflourejado èi courteto, de 1 à 2,5 cm, caupant 3 à 6 espigo sarrado dis escaume bruno, pounchudo e membranouso sus li bord (fotò). La subsp. presentado eici, Rosae vèn sus cauquié ; se recounèis peréu à si fueio mens sarrado e mens enarcado que sa cousino, Carex curvula subsp. curvula que se vèi sus siliço.

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 5 à 40 cm
Fueio : costo paralèlo
Tipe bioulougico : Emicriptoufite
Cicle bioulougico : Planto renadivo

Gènre : Carex
Famiho : Cyperaceae

Ordre : Poales

Coulour de la flour : Verdo
Petalo : ges
Ø (o loungour) enflourejado : 1 à 2,5 cm
Flourido : Estiéu

Sòu : Ca
Autour basso e auto : 2000 à 2800 m
Aparado : Noun
JUliet à avoust

Liò : Pelouso - Cresten
Estànci : Subaupen à Aupen
Couroulougi : Ouroufito-Sud-Ouèst-Éuroupenco
Ref. sc. : Carex curvula subsp. rosae (L.) Gilomen, 1937

Verounico(-sènso-fueio)

Veronica aphylla

Plantaginaceae Scrophulariaceae

Nom en français : Véronique à tige nue.

Descripcioun :
Aquesto pichoto verounico flouris au desneva dins li coumbo à nèu e li pelouso roucaiouso d'auto mountagno sus cauquié. Ié dison "sènso fueio", pèr ço que fai uno longo cambo que porto li flour (1 à 6). Pamens i'a de fueio, redouno e pelouso, de 10 à 15 mm, que formon uno fausso rouseto (fotò).

Usanço :
Couneissèn pas d'usanço particuliero pèr aquelo planto, escriéure au site se n'en sabès mai.

Port : Erbo
Taio : 2 à 10 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Veronica
Famiho : Plantaginaceae
Famiho classico : Scrophulariaceae

Ordre : Lamiales

Coulour de la flour : Bluio
Petalo : 4
Ø (o loungour) flour : 6 à 8 mm
Flourido : Printèms - Estiéu

Sòu : Ca
Autour basso e auto : 1200 à 2800 m
Aparado : Noun
Jun à avoust

Liò : Coumbo à nèu - Pelouso
Estànci : Subaupen à Aupen
Couroulougi : Ouroufito-Sud-Éuroupenco
Ref. sc. : Veronica aphylla L., 1753

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Carex curvula subsp. rosae & Veronica aphylla

ges

Coumpara Queirello(-enarcado) emé uno autro planto

Coumpara Verounico(-sènso-fueio) emé uno autro planto